thomas (deglebe) bruce
computer science an mathematics student
a’m a computer science an mathematics student at marist university pursuin a b.s. in computer science wi a concentration in software engineering an a b.a. in pure mathematics, expectit 2028.
mi interests ligs maistly in systems programmheen, compiler theory, embedded computeen, unix environments, an mathematically-informed software design. a wirk maistly athin linux/bsd systems, usually in minimal, terinal-driven, tiled environments biggit aroon posix-oriented tooling.
a primarily programs in c, python, golang, posix shell, an x86 assembly. a’m firbye dat proficient in c++, js/ts, forth, an java. firbye dat, a hae experience wi haskell, perl, an hare.
muckle o mi technical background is developed trowe independent study, personal projects, an research wirk. mi mathematical interests includes graph theory, discrete mathematics, proof-authoring, optimization, an formal verification. a’m parteeclarly interested idda relationship atween mathematical structure an practical systems design.
frae mey trowe august 2025 a wirked as a research assistant trowe marist’s joint study programme in collaboration wi atributary.com. mi wirk focused apø graph theory, machine learning, an identity verification research, includin pagerank-inspired graph traversal algorithms fir mitigatin sybil attacks, transformer an gradient boosting models, an synthetic data generation pipelines.
a currently wirk as a software engineering intern apø ibm’s ess (formerly gpfs) team.
mi philosophical orientations wi regards tae computeen is alignit wi simplicity o design, anti-bloat, permacomputeen, an biggin systems at remains understandable, maintainable, an durable ower lang periods o time.
ootside o computeen, a enjoy endurance rinnin, readeen, cookeen, language study (shaetlan, scots, german), an low-waste livin. philosophically, a’m a non-spiritual pantheist an absurdist, an prefers tae consider ethics wi a ecosystem-focused outlook withoot pigeonholin misel intil utilitarianism. likewye, a believe idda theory o social ecology. politically, a could be considered lib-left spectrum.
see firbye: projects
contact
- email: me at deglebe dot com
- sr.ht/~deglebe
- github.com/deglebe
- linkedin: (meh)
abuin dis sid
aa pairts o dis site wis written bi hand wi posix tools an widoot da øs o ai. da static site generator fir posts is written in go. theme preference øses a peerie bit o javascript; da generated pages is plain html. aa text is idda lower-case form du tae mi personal preference fir monospace an carolingian miniscule.